Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
06.05.2021, 15:24

Илсур Метшин Бөек Ватан сугышы ветераны Сәхап Илаловта кунакта булды

Казан Мэры аны шәхсән Җиңү көне белән котлады, ә агитбригада гадәти булмаган бүләк – тәрәзә төбендә хәрби җыр концерты бүләк итте.

Фото: Марат Мугинов

(Казан шәһәре KZN.RU, 6-нчы май, Алинә Бережная). Бүген Казан Мэры Илсур Метшин Татарстан башкаласында яшәүче 97 яшьлек Бөек Ватан сугышы ветераны Сәхап Сәлах улы Илаловны якынлашып килүче Җиңү көне белән котлады. Шәһәр башлыгы ветеранга кунакка, Коләхмәтов урамына барды, анда ир кызы һәм гаиләсе белән яши.

Сәхап Илалов Илсур Метшинны орден һәм бүләкләр белән парад мундирында каршы алды. Шәһәр башлыгы аны якынлашып килүче Җиңү көне белән котлады. «Сез безнең каһарманыбыз! Бүген без яши торган зәңгәр күк йөзе һәм тыныч вакыт өчен рәхмәт сезгә!»– дип мөрәҗәгать итте ул ветеранга.

Очрашуны дәвам итеп, Сәхап Илалов кунакларга үзенең катлаулы тормышы турында сөйләде. Ул 1924 елда Татарстанның хәзерге Алексеевск районы территориясендә Яңа Алпар авылында туган. 1940 елда Казанга күчеп килгән, «Кожзавод»та электрик булып эшләгән. Фронтка ул 1942 елның декабрендә эләккән. Артиллерия гаскәрләрендә элемтәче булып хезмәт иткән, Сталинград оборонасында катнашкан. «Мин куркыныч булды дип әйтмим. Без үлем турында уйламадык, бары үз бурычыбызны үтәдек һәм тиздән барысы да бетәчәк дигән өмет белән яшәдек», –дип искә төшерде Сәхап Илалов.

1945 елның маен ул Берлин астында каршы алган. Фидакарь хезмәте өчен Сәхап Илалов икенче дәрәҗә Ватан сугышы ордены, «Батырлык өчен» медале белән бүләкләнгән. «Без сугышның тәмамлануына ышана алмадык. Мин әле озак вакыт иптәшләремнең үлемен, гранат шартлавын искә төшердем – кыскасы, тыныч тормышка ияләштем», – дип сөйләде ветеран.

Сугыштан соң Сәхап Илалов Казанга кайткан, «ТАСМА» җитештерү берләшмәсендә электромонтер булып эшләгән. 1984 елда лаеклы ялга киткән.

Олы яшькә карамастан, ветеран Җиңү көнен бәйрәм итү кысаларында үткәрелә торган барлык чараларда актив катнаша. Ветеранны яраткан гаиләсе – кызы, ике оныгы һәм бер оныкчыгы уратып алган, алар аның терәге.

Быел Сәхап Илаловка 97 яшь тулды, шәһәр башлыгы ир-атның озын гомерле булу сере белән кызыксынды. «Иртәләрен зарядка ясыйм, саф һавада күп йөрим, бернинди авырлык та юк», – дип җавап бирде ул.

Илсур Метшин ветеранга озын гомер теләде, Татарстан Президенты һәм Казан Мэры исеменнән котлау тәбрикләмәсе һәм истәлекле бүләкләр тапшырды.

Казанның Киров һәм Мәскәү районнары агитбригадасы активистларыннан бәйрәм котлавы да ветеран өчен күңелле сюрприз булды. Яшьләр сугыш еллары формасында аның фатирының тәрәзә төбендә үк сугыш еллары җырлары белән концерт оештырды.

«9-нчы Май алдыннан күршеләрне, шәһәр халкын берләштерүче бәйрәм чаралары үткәрелүе мөһим. Каһарманнарның батырлыгын онытмагыз, үсеп килүче буынны өлкәннәр үрнәгендә тәрбияләгез!» – дип мөрәҗәгать итте яшьләргә Илсур Метшин.

Ветеранга килер алдыннан барлык кунаклар коронавирус инфекциясенә тест тапшырды. Ветеранны котларга шулай ук Киров һәм Мәскәү районнары администрациясе башлыгы Сергей Миронов килде.

Казанда 7063 Бөек Ватан сугышы ветераны яши, шул исәптән 86 Киров һәм Мәскәү районнары территориясендә. 

Волонтерлык агитбригадалары аларны өйләрендә котлыйлар, бүләкләр бүләк итәләр һәм импровизацияләнгән концертлар оештыралар. 8-нче майда Казанда «Ветеран йорты янындагы парад»  – тарихи һәм заманча хәрби техниканың шәһәр урамнары буйлап ветераннарны яшәү урыны белән котлап йөрүе акциясе узачак. 

Казанлылар шулай ук ел саен үткәрелә торган «Буыннар хәтере» хәйрия фонды тарафыннан үткәрелә торган «Кызыл канәфер» акциясенә кушыла ала. Кызыл канәфер чәчәге рәвешендә кәгазь яки металл значокларны сатудан җыелган барлык акчалар ветераннар өчен дарулар һәм медицина җиһазлары сатып алуга, шулай ук аларны дәвалауга һәм тернәкләндерүгә юнәлдереләчәк. 

Моннан тыш, май аенда Бөек Ватан сугышында катнашучылар һәм инвалидлар озатучылар белән бергә шәһәр яны поездларында бушлай йөрү хокукына ия.

Фоторепортаж
Казан Мэры ветеран Сәхап Илаловны Җиңү көне белән котлады
Видеорепортаж
06.05.2021 15:17
Казан Мэры ветеран Сәхап Илаловны Җиңү көне белән котлады
Барлык яңалыклар