Казан укытучысы Ерлан Аймаганбәтов Яндекс Дәреслекнең бөтенроссия «Остазлар премиясе» җиңүчеләре унлыгына керде

Бүләк итеп укытучы кабинетын мотивлаштыручы плакатлар һәм методик материаллар белән бизәделәр

Казанның 129 нчы мәктәбенең информатика укытучысы Ерлан Аймаганбәтов Яндекс дәреслекнең Бөтенроссия «Остазлар премиясе»ндә 10 җиңүче исемлегенә кергән. Конкурста бөтен илдән 20 мең педагог катнашкан, дип хәбәр итә Казанның мәгариф идарәсе.

Конкурс узган уку елы дәвамында үткәрелде. Ерлан Абаевич «Кадрлар резервы» программасында актив катнашты: дәресләрдә яңа технологияләр кертте, авторлык материаллары булдырды.

Аның тырышлыгын хезмәттәшләре генә түгел, Яндекс дәреслек командасы да билгеләп үтте. «Миңа хезмәттәшләрем белән белем һәм тәҗрибә уртаклашу, аларга эшкә яңа алымнар табарга ярдәм итү, уку процессын ничек яраклаштырырга һәм укучыларны мәгълүмати технологияләр дөньясына җәлеп итәргә кирәклеген күрсәтү ошый. Яндекс Дәреслек ярдәмендә безнең информатика укытучыларының һөнәри бергәлеге үсә һәм ныгый. Бу тәҗрибә уртаклашырга һәм хезмәттәшләргә яңа казанышларга рухландырырга мөмкинлек бирә», – дип сөйләде информатика укытучысы һәм конкурста җиңүче Ерлан Аймаганбәтов.

Конкурсның төп бүләге информатика кабинетын бизәү иде. Ерлан Аймаганбәтовның классын информатика тарихы, мотивлаштыручы постерлар һәм методик материаллар белән бизәделәр, урындыкларда ИТ һөнәре исемнәре язылган тышлыклар, Python төп командалары белән келәмнәр барлыкка килде.

Яңа интерьер даирәсендәге беренче дәресне педагог быел билгеләп үтелә торган Россия мәктәпләрендә информатика укытуның 40 еллыгына багышлады.

Шулай ук укыгыз

Барлык яңалыклар