Казанлылар ВИЧ-инфекциягә тестны бушлай үтә алачак

Тест-мобильләр Горький паркында һәм Үзәк стадион манежында урнашачак

Фото: Марат Мөгыйнов

(Казан шәһәре KZN.RU, 22 нче май). Бу атнада казанлылар ВИЧ-инфекциягә аноним рәвештә экспресс-тест уза алачак. Теләге булганнар өчен сәламәтлеккә экспресс-скрининг, социаль хезмәткәр һәм психолог консультацияләре оештырыла.

25 нче майда, пәнҗешәмбе көнне, тест-мобиль Горький исемендәге пакрта «Хезмәт резервлары» стадионы каршында эшләячәк. Процедураны 12:00 сәгатьтән 16:00 сәгатькә кадәр үтәргә мөмкин булачак. Үзәк стадион манежында медиклар 26 нчы майда 14:00 сәгатьтән 18:00 сәгатькә кадәр дежур торачак. Шул ук урында тест-мобиль 27 нче һәм 28 нче майда урнашачак. Шимбә көнне ВИЧ-статусны – 10:00 дән 18:00 гә кадәр, җомга көнне 10:00 дән 14:00 гә кадәр тикшерергә мөмкин булачак, дип хәбәр итә оештыручылар.

«Җиңү өчен тест. Ярдәм янәшә» проекты ТР Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча республика үзәге һәм Президент грантлары фонды акчасына «Яңа гасыр» хәйрия фонды тарафыннан гамәлгә ашырыла.

Апрель аенда 170 казанлы аноним рәвештә ВИЧ-тест тапшырган, алар арасында – 72 ир-ат һәм 98 хатын-кыз. ВИЧ еллар буе борчымаска һәм медицина инде булыша алмаганда үзен сиздерергә мөмкин. Ни өчен кешеләр үз сәламәтлекләре турында белү мөмкинлеген санга сукмыйлар, зарарланган кеше тулы тормыш алып бара аламы – KZN.RU порталы материалыннан укыгыз.

Шулай ук укыгыз

Барлык яңалыклар